1 मिनेट 
२९ चैत्र काठमाडौँ ।
वाणिज्य बैंकहरूको ब्याजदर घटेको छ । नेपाल बैंकर्स सङ्घको बैठकले नयाँ वर्ष २०८० सालदेखि लागू हुने गरी ब्याजदर घटाउने निर्णय गरेको हो ।
अब ुकु वर्गका बैंक अर्थात् वाणिज्य बैंकहरूले मुद्दती निक्षेपको ब्याज ९ दशमलव ९९ प्रतिशतसम्म मात्रै लिन पाउनेछन् । यसअघि १२ प्रतिशतसम्म ब्याज पाइरहेका निक्षेपकर्ताले अब बढीमा ९ दशमलव ९९ प्रतिशतमात्रै ब्याज पाउनेछन् । अहिले मुद्दती निक्षेपको ब्याजदर ११ प्रतिशत छ । बचतको ब्याजदर पनि ९ प्रतिशतबाट न्यूनतम साढे ५ प्रतिशतसम्म आएको छ ।
निक्षेपको ब्याजदर घटेसँगै कर्जाको पनि ब्याजदर घट्नेछ । आउँदो असारसम्म बैंकहरूले निक्षेप र कर्जाबीचको अन्तर ४ प्रतिशतमा झार्नुपर्ने हुन्छ । अहिले ऋणीहरूबाट वाणिज्य बैंकहरूले १४ प्रतिशतभन्दा बढी ब्याज नलिएको दाबी गर्दै आएका छन् । अब कर्जा र निक्षेपबीचको अन्तर ४ प्रतिशतमा झारेमा ऋणीहरूले साँच्चै १४ प्रतिशत ब्याजदरमै ऋण पाउने एक बैंकरले बताएका छन् ।
तीव्र आर्थिक संकटका बीच पनि उद्योगी व्यवसायीले ८ महिनामा १ खर्ब १२ अर्ब रुपैयाँ बढीको कर्जा उपभोग गरेको देखिएको छ । नेपाल राष्ट्र बैंककाअनुसार चालु आर्थिक वर्षको ८ महिनामा बैंक तथा वित्तीय संस्थाहरुबाट निजी क्षेत्रमा प्रवाहित कर्जा १ खर्ब २८ अर्ब १८ करोड रुपैयाँ पुगेको जनाएको हो ।
अघिल्लो वर्षको सोही अवधिमा यस्तो कर्जा ५ खर्ब २२ अर्ब ४९ करोड ९१२।८प्रतिशत० ले बढेको थियो ।
२०७९ फागुन मसान्तमा बैंक तथा वित्तीय संस्थाहरुबाट निजी क्षेत्रमा प्रवाहित कर्जामध्ये गैर–वित्तीय संस्थागत क्षेत्रतर्फ प्रवाह भएको कर्जाको अंश ६४।६ प्रतिशत रहेको छ भने व्यक्तिगत तथा घरपरिवार क्षेत्रतर्फ प्रवाह भएको कर्जाको अंश ३५।४ प्रतिशत रहेको छ । अघिल्लो वर्षको सोही अवधिमा यस्तो अंश क्रमशः ६३।७ प्रतिशत र ३६।३ प्रतिशत रहेको थियो ।
