1 मिनेट 
२१ कात्तिक, काठमाडौं ।
भक्तपुरको सूर्यविनायक नगरपालिका–८ सिपाडोलस्थित इन्द्र ज्वेलर्सका सञ्चालक सोहिल शाक्यलाई नक्कली नोटसहित प्रहरीले पक्राउ गरेको छ ।
प्रहरीको केन्द्रीय अनुसन्धान ब्यूरो ९सीआईबी०को टोलीले शाक्यलाई उनकै पसलबाट मंगलबार पक्राउ गरेको हो ।भक्तपुर नगरपालिका–७ घर भएका ३० वर्षीय शाक्यबाट १ हजार र ५ सय दरका नोट जस्तो देखिने चाँदीका नक्कली नोटहरु बरामद गरिएको सीआईबीका एसपी तथा प्रवक्ता होविन्द्र बोगटीले बताए ।
उक्त नोट नेपाल राष्ट्र बैंकबाट निकालिएको हो भन्दै भ्रममा पारेर उनले कारोबार गर्र्ने गरेको प्रहरीले जनाएको छ ।उनीबाट १ हजार दरका श्री ९९९९ लेखिएका ४८ थान, १ हजार दरकै एसडी ०००००० लेखिएका ४० थान, १ हजार दरकै ट ५६८२१३८३ लेखिएका २५ थान र ५ सय दरको श्री ९९९९ लेखिएका २८ थान नोट बरामद गरिएको सीआईबीले जनाएको छ ।
