1 मिनेट 
भक्तपुर, १५ चैत : जडीबुटी उत्पादन तथा प्रशोधन कम्पनी लिमिटेडको जडिबुटीस्थित कार्यालयमा आज राजावादी प्रदर्शनकारीले गरेको आगजनी चार घण्टा पछि राती नियन्त्रणमा आएको छ । प्रर्दशनकारीले आज प्रशर्दशनका क्रममा कोटेश्वरबाट भक्तपुरतर्फ आउँदै गरेको जथ्थाले एक्कासी प्रशोधन कम्पनीमा प्रवेश गरि अपरान्ह आगजनी गरेका थिए ।
आगो नियन्त्रणमा लिन परिचालित जुद्ध वारुण यन्त्र भक्तपुरका तीन वटा दमकल, काठमाडौं महानगरपालिकाका २ वटा दमकल र ललितपुर महानगरपालिकाको एक वटा दमकल गरि ६ वटा दमकलले चार घण्टामा आगो नियन्त्रणमा लिएको जुद्ध बरुण यन्त्र कार्यालय भक्तपुरका प्रमुख विजयप्रसाद धौभडेलले जानकारी दिनुभयो ।
उहाँले भन्नुभयो, ‘प्रर्दशनकारीले आगोजनी गरेपछि माथिल्लो निकायबाट आएको आदेश अनुसार भक्तपुरको तीन वटा दमकल जडिबुटी पुगेर कार्यक्षेत्रमा आगो नियन्त्रणमा लाग्यो, काठमाण्डौका दुईवटा र ललितपुरका एक गरि ६ वटा दमकलले राती नौ बजे आगो नियन्त्रणमा लिएर फर्कियौ ।’
उहाँले सन्चोलगायत जडिबटीका औषधि बनाउदा प्रयोग हुने केमिकल बलेपछि आगो थप बढ्दै गएको र भक्तपुरको दमकल बिस्तार हुदै बढेको थियो । भक्तपुरको दमकलले आगो नियन्त्रण्का लागि फर्मसमेत प्रयोग गरेको थियो । औषधि कारखानामा लाखौको क्षति हुने गरि त्यहाँ भित्रका सामानहरु जलेर नष्ट भएको देखिएको उहाँल बतानुभयो । आगजनी नियन्त्रणका लागि गएको जद्ध बारुण यन्त्रको एक दमकल समेत ओन्दालनकारीले तोडफोड गरेको क्षति पुर्याएको कार्यालय प्रमख धौभडेलले जानकारी सदनुभयो ।
