हङकङसँगको मैत्रीपूर्ण फुटबल र लाओससँगको एएफसी एशियन कप छनोटका लागि नेपाली टोलीको घोषणा

काठमाडौं,१९ जेठ ।

हङकङसँगको मैत्रीपूर्ण फुटबल र लाओससँगको एएफसी एशियन कप छनोटका लागि नेपाली टोलीको घोषणा भएको छ ।

राष्ट्रिय पुरुष टोलीका मुख्य प्रशिक्षक म्याट रसले आज २३ सदस्यीय टोलीको घोषणा गरेका हुन् । नेपाली टोलीको कप्तानमा किरण चेम्जोङ छन् । टोलीमा कुशल देउवा र सृजनराज गौतम पहिलो पटक परेका छन् ।

नेपालले हङकङसँग आउँदो बिहीवार र लाओससँग जेठ २७ गते खेल्दैछ । नेपाली टोली भोलि हङकङ प्रस्थान गर्नेछ र त्यहाँबाट लाओस जानेछ ।

यस्तो छ टोली–

किरण चेम्जोङ, अभिषेक लिम्बु, अनन्त तामाङ, अञ्जन विष्ट, एरिक विष्ट, आयुष घलान, विमल पाण्डे, विशाल सुना, दीप कार्की, जिलेस्पीजङ्ग कार्की, कृतिशरत्न छुन्जु, कुशल देउवा, लकेन लिम्बु, मणिकुमार लामा, मनिष डाँगी, रोहित चन्द, रोशन कार्की, सनिष श्रेष्ठ, सृजनराज गौतम, सुमन श्रेष्ठ, सुमित श्रेष्ठ, सुवास ठकुरी बम र योगेश गुरुङ ।