प्रधानमन्त्री ओली आज उपचारका लागि सिंगापुर जाने

५ भाद्र २०७६, काठमाडौं । प्रधानमन्त्री केपी शर्मा ओली आज सिंगापुर जाँदै हुनुहुनछ । थप उपचारका लागि आज दिउँसो साढे १ बजे सिंगापुर जाने प्रधानमन्त्रीको सचिवालयले जनाएको छ । ओली उपचारका लागि १८ साउनमा सिंगापुर गएका थिए । त्यहाँको सरकारी अस्पतालमा एक साता लामो स्वास्थ्य परीक्षण गरेर उनी फर्किएका थिए । यसअघिको उपचारमा दुई साइकल औषधि चलाइएको र थप एक साइकल तीन साताको बीचमा चलाउनुपर्ने चिकित्सकको सल्लाहअनुसार सिंगपुर जान लागेका ओलीलाई औषधिको साइड इफेक्ट पनि देखिएको छ ।