चीनको ऋणजालमा नफस्न बाबुराम भट्टराईको सुझाव

२३ असोज २०७६ ।

पूर्वप्रधानमन्त्री बाबुराम भट्टराईले रेल ल्याउँदा ऋणको जालमा नफस्न सुझाव दिएका छन्। बिहीबार उनले चिनियाँ राष्ट्रपति सी चिनफिङको दुई दिने राजकीय भ्रमणका विषयमा प्रधानमन्त्री केपी ओली, पूर्वप्रधानमन्त्री तथा पूर्वपरराष्ट्रमन्त्रीहरू बीचको छलफल कार्यक्रममा सरकारलाई सुझाव दिएका हुन्।

ुरेल बनाउँदा ऋणजालमा नफस्ने, अनुदान र ऋणको सन्तुलन मिलाउन पर्छ,ु उनले आफ्नो ट्वीटर मार्फत भनेका छन्, ुसडकमा बढी जोड दिने। कर्णाली(गण्डकी(कोशी कोरिडोरलाई प्रथमिकता दिनुपर्छ। पूर्वप्रधानमन्त्री भट्टराईले सरकार समक्ष ६ बुँदे सुझाव दिएका हुन्। उनले ऋणरअनुदानभन्दा औद्योगिक लगानी, व्यापार, पर्यटनमा जोड दिन आग्रह गरेका छन्।

त्यस्तै चीनसँग मात्र तत्काल सुपुदर्गी सन्धि नगर्न, लिपुलेकको त्रिदेशीय व्यापारमार्गको सम्झौतामा नेपाललाई पनि जोड्न र १९६०को नेपाल(चीन मैत्री सन्धि अध्यावधिक गर्ने प्रस्ताव चीनले राखेको भए दुवै पक्षको हितमा संशोधन गर्न सुझाव दिएका हुन्।

उनले चीनको यो चासोलाई अवसरका रुपमा लिन र भारत तथा चीन दुवैसँगको सम्बन्ध ख्यालमा राख्न समेत उनले आग्रह गरेका छन्। बेल्ट एण्ड रोड इनिसिएटिभ ुबिआरआईु र इन्डो प्यासिफिक रणनीति ुआइपीएसु रणनीति दुवैबाट पनि लाभ लिन सकिने बताएका हुन्।