नेबिको बिस्कुट कारखानामा भीषण आगलागी

काठमाडौं । राजधानीको बालाजुमा रहेको औद्यागिक क्षेत्रभित्र भीषण आगलागी भएको छ ।

प्रहरीका अनुसार उक्त औद्योगिक क्षेत्रभित्र रहेको नेबिको बिस्कुट उद्योगमा आगलागी भएको हो । राति करिब पौने दुई बजेदेखि आगो लागिरहेको र नियन्त्रणको प्रयास जारी रहेको प्रहरीले बताएको छ ।

दमकलसहित सुरक्षा टोलीले आगलागी नियन्त्रणमा लिने प्रयास गरेपनि सफल भईनसकेको प्रहरीले जनाएको छ । हाल आगलागी नियन्त्रणका लागि एक दर्जन दमकल प्रयोग गरिएको बताइएको छ ।आगलागीको कारण तथा क्षतिको विवरण समेत खुल्न सकेको छैन ।