1 मिनेट 
काठमाडौं । उद्योगपति एवम् सांसद् विनोद चौधरीले कोरोना संक्रमण बढेकाले भौतिक रूपमै परीक्षा सञ्चालन गर्ने निर्णयमा तत्काल पुनर्विचार गर्नुपर्ने बताएका छन् । सामाजिक संजालमार्फत चौधरीले यस्तो बेला जोखिम लिनु बुद्धिमानी नहुने बताएका हुन् ।
चौधरीले स्वास्थ्यभन्दा अहिले ठूलो केही नभएको भन्दै जोखिम बढेकोले सावधानी अपनाउनुपर्नेमा जोड दिएका छन्। उनले जीवन रहे पढाइ र परीक्षाको अवसर आउने भन्दै जोखिम लिनु बुद्धिमानी नहुने बताएका हुन् ।
उनले लेखेका छन्, ‘सबैतिर कोरोनाको जोखिम बढिरहेकाले हामी अत्यन्तै सावधान हुनुपर्छ। यस्तो बेला जोखिम लिनु बुद्धिमानी हुँदैन। जीवन रहे पढाइ र परीक्षाका अवसर आउँछन्। त्यसैले भौतिक रूपमै परीक्षा सञ्चालन गर्ने निर्णयमा तत्काल पुनर्विचार गरिनु आवश्यक छ, अबेर नगरौं। सन्तानको स्वास्थ्यभन्दा ठूलो केही छैन ।’ कोरोनाको जोखिम बढेको भन्दै स्वास्थ्य मन्त्रालयले परीक्षा स्थगित गर्न सरकारलाई सिफारिस गरेको छ ।
