विश्वकप छनोट खेलमा जर्मनी, नेदरल्यान्डस र क्रोएशिया विजयी

काठमाडौं, २४ असोज । कतार विश्वकप छनोट खेलमा जर्मनी, नेदरल्यान्डस र क्रोएशियाले जित हात पारेका छन् । गएराति भएको युरोपको छनोट खेलमा समुह जे मा रहेको जर्मनीले रोमानिया माथि दुई एकको जित हात पार्यो । घरेलु टोली जर्मनीले, रोमानियाको एक शून्य गोलको अग्रता उल्ट्याएको थियो । राष्ट्रिय टिमका लागि मुल्लरको प्रतिस्पर्धात्मक खेलमा सन् २०१७ यताको यो पहिलो गोल हो । अब आगामी सोमबार नर्थ मेसिडानियालाइ पराजित गरे र रोमानिया अर्मेनियासँग हारे जर्मनी २०२२ को कतार विश्वकपका लागि छनोट हुनेछ । सात खेलबाट १८ अंक जोडेको जर्मनी तालिकाको शीर्ष स्थानमा छ । समूह जी मा रहेको नेदरल्यान्डसले लात्भियालाई एक शून्यले हराउँदा डाभी क्लासेनले, माम्फिस डिपायेको कर्नरमा गोल गरेका थिए । क्रोएसशयाले साइप्रसलाई तीन शून्यले पराजित गरेको छ । वेल्स भने चेक रिपब्लिकसँग २–२ गोलको बराबरीमा रोकियो । एजेन्सी