नेपालमा आज १ सय ८३ कोरोना संक्रमित थपिए

काठमाडौँ, १९ कार्तिक ।
कोभिड–१९ संक्रमितको संख्या घट्दै गएको छ। आज १८३ जनामा मात्रै संक्रमण पुष्टि भएको छ।स्वास्थ्य तथा जनसंख्या मन्त्रालयका अनुसार पछिल्लो २४ घण्टामा चार हजार ८४४ जनाको स्वाब परीक्षण गर्दा १८३ जनामा संक्रमण देखिएको हो। बिहीबार ३५६ जनामा संक्रमण पुष्टि भएको थियो। आज संक्रमण देखिएकामध्ये दुई हजार ३०७ जनाको पीसीआर परीक्षण गर्दा १७४ जनामा र दुई हजार ५३७ जनाको एन्टिजन परीक्षण गर्दा नौ जनामा कोरोना पुष्टि भएको छ। त्यस्तै, आज कोरोना संक्रमणबाट दुई जनाको ज्यान गएको छ। योसँगै कोरोनाबाट ज्यान गुमाउनेको संख्या ११ हजार ४३८ पुगेको छ।
पछिल्लो २४ घण्टामा ६४९ जना निको भएका छन्। अहिलेसम्म सात लाख ९४ हजार ४३८ जना निको भइसकेका छन्।।अब सक्रिय संक्रमितको संख्या आठ हजार ४१३ रहेको छ। उनीहरूमध्ये दुई सयको आईसीयू र ५५ जनाको भेन्टिलेटरको सहायतामा उपचार भइरहेको छ।आज देशभर तीन हजार ७७५ जनाले मात्रै खोप लगाएका छन्। तिहारको विदाका कारण खोप लागउनेको संख्या घटेको स्वास्थ्य मन्त्रालयले जनाएको छ।