राजतन्त्र पुनःस्थापना गर्नुपर्ने  : राजेन्द्र लिङ्देन

काठमाडौँ, २४ मंसिर ।
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले देशको राजनीति लिगबाट बाहिर गएको बताउँदै राजतन्त्र पुनःस्थापना गर्नुपर्ने बताउनुभएको छ । आजबाट काठमाडौंमा सुरु भएको नेपाली कांग्रेसको १४औं महाधिवेशनको उद्घाटन कार्यक्रमलाई सम्बोधन गर्दै उहाँले देशमा अब प्रत्यक्ष निर्वाचित प्रधानमन्त्री र सांसदहरु मन्त्री हुन नपाउने व्यवस्था गर्नुपर्ने जनाउनुभएको छ । देशमा अहिले कुनै निकायले सहि ढंगले काम नगरेको उहाँले बताउनुभएको छ । कांग्रेसले महाधिवेशनलाई नेतृत्व चयन गर्ने अवसरका रुपमा मात्र प्रयोग नगरेर बिग्रेको छवि सुधार्न पनि प्रयोग गर्न उहाँले आग्रह गर्नुभएको छ ।