शेरबहादुर देउवा पक्षको भेला लैनचौरमा सुरु

काठमाडौं,२६ मंसिर ।
कांग्रेस सभापति शेरबहादुर देउवा पक्षको भेला लैनचौरमा सुरु भएको छ । भेलामा देउवा पक्षका कार्यकर्ता, महाधिवेशन प्रतिनिधि र उम्मेदवारहरु सहभागी छन् । उक्त भेलामा उपसभापति पदका उम्मेदवार पूर्णबहादुर खड्का, महामन्त्री पदका उम्मेदवार प्रकाशशरण महत, ज्ञानेन्द्रबहादुर कार्कीलगायतका नेताहरुको उपस्थिती छ । नयाँ नेतृत्वका लागि देउवा र कृष्णप्रसाद सिटौलाले गठबन्धन गरी उम्मेदवारी दर्ता गराएका छन् । सभापतिमा देउवा, उपसभापतिमा विजयकुमार गच्छदार र पूर्णबहादुर खड्का उम्मेदवार बनेका छन् । सिटौला निकट प्रदीप पौडेल र देउवा निकट प्रकाशशरण महतले महामन्त्रीमा उम्मेदवारी दिएका छन् । यस्तै, सहमहामन्त्रीका लागि आदिवासी जनजातिको तर्फबाट भीष्मराज आङ्देम्बे, दलित तर्फबाट मानबहादुर बिक, महिलामा डिना उपाध्याय, मधेसीमा महेन्द्र यादव, खस आर्यमा किशोरसिंह राठौर, थारुमा उमाकान्त चौधरी, मुस्लिममा फरमुल्लाह मन्सुर र पीछडिएको क्षेत्रबाट जीवनबहादुर शाही उम्मेदवार बनेका छन् । सहमहामन्त्रीमा उम्मेदवारी दिएका चौधरी पनि सिटौला खेमाका हुन् ।