एमसीसीमा व्याख्यात्मक घोषणा आफूहरूको सफलता हो : अध्यक्ष नेपाल

काठमाडौं, १७ फागुन ।
नेपाल कम्युनिस्ट पार्टी एकीकृत समाजवादीका अध्यक्ष माधवकुमार नेपालले एमसीसी सम्झौता व्याख्यात्मक घोषणासहित अनुमोदन हुनु आफूहरूको सफलता रहेको बताउनुभएको छ ।
एमसीसी सम्झौताबारेमा पार्टीको धारणा सार्वजनिक गर्न आज मङ्गलवार काठमाण्डौमा गरेको पत्रकार सम्मेलनमा उहाँले यस्तो बताउनुभएको हो । अध्यक्ष नेपालले आफुहरूले व्याख्यात्मक घोषणासहित एमसीसी पारित गर्न पहल नगरहेको भए एमसीसी जस्ताको तस्तै पारित हुने खतरा भएको तर आफुहरूकै पहलका कारण एमसीसी जस्ताको तस्तै पारित नभएकोपनि बताउनुभयो । व्याख्यात्मक घोषणा आफ्नो पार्टीले लिएको अडानको सफलता भएको भन्दै उहाँले अब एमसीसीबाट सम्भावित खतरा टरेको पनि बताउनुभयो ।