विविधताबीचको एकता नै हामी नेपालीको पहिचान र सामथ्र्य बनेको छ : राष्ट्रपति भण्डारी

काठमाडौं,०३ चैत्र ।
राष्ट्रपति विद्यादेवी भण्डारीले होलीमा खेलिने विविध रङजस्तै नेपाली समाज पनि जातीय, भाषिक र सांस्कृतिकरूपमा विविधतापूर्ण रहेको बताउनुभएको छ । होलीको शुभकामना सन्देश जारी गर्दै भण्डारीले विविधताबीचको एकता नै हामी नेपालीको पहिचान र सामथ्र्य बनेको बताउनुभएको हो । त्यसले सम्पूर्ण नेपालीबीच आपसी प्रेम, सद्भाव र सहिष्णुता अभिवृद्धि गर्दै राष्ट्रिय एकतालाई थप सुदृढ बनाउन योगदान पुग्ने विश्वास समेत व्यक्त गर्नुभएको छ । उहाँले संस्कृतिका असल पक्षलाई प्रवद्र्धन गर्न यसलाई मितव्ययी र विकृतिरहित राख्नुपर्ने बताउनुभयो । हरेक पर्वसँग गाँसिएको इतिहास, सभ्यता र पौराणिकताको गहिराइ आत्मसात् गर्न सकेमात्र आफुह?को अद्वितीय संस्कृतिको मौलिकता जोगाउन सकिने उहाँको बिश्वास रहेको छ ।