भक्तपुरको लोकन्थलीमा शववाहन र मोटरसाइकल ठोक्कियो

काठमाडौं, ०९ चैत्र ।
भक्तपुरको लोकन्थलीमा शववाहन र मोटरसाइकल ठोक्किएका छन् । सिन्धुपाल्चोकबाट काठमाडौं आइरहेको प्रदेश–३–०१ ०२३ च २३५६ नम्बरको शववाहनले विपरीत दिशातर्फ आउँदै गरेको मोटरसाइकललाई ठक्कर दिएको हो । शववाहनसँग ठोक्किएपछि मोटरसाइकलमा आगो लागेको छ । आगलागीबाट मोटरसाइकल पूर्ण रूपमा क्षतिग्रस्त भएको छ । दुर्घटनामा मोटरसाइकल चालक घाइते भएका छन् । मोटरसाइकल नम्बर र चालकको परिचय भने खुलेको छैन । सिन्धुपाल्चोकबाट शव लिएर आउँदै गरेको शववाहनले मोटरसाइकललाई ठक्कर दिएको ट्राफिक प्रहरीले जनाएको छ ।