म मन्त्रालय आएपछि थुप्रै सुधारका काम भइरहेको छ : मन्त्री आले

काठमाडौं, २४ चैत्र ।
संस्कृति, पर्यटन तथा नागरिक उडड्यन मन्त्री प्रेमबहादुर आलेले आफूले मन्त्रालयको कार्यभार सम्हालेपछि विभिन्न सुधारका काम भइरहेको बताउनुभएको छ । आज काठमाण्डौमा आयोजित एक कार्यक्रमलाई सम्बोधन गर्दै मन्त्री आलेले आफूले मन्त्रालयको जिम्मेवारी लिएसँगै सुधारका धेरै काम भइरहेको बताउनुभएको हो । उहाँले आफ्नो मन्त्रालयमा थुप्रै फोहरका डङ्गुरहरू रहेको उल्लेख गर्दै तिनलाई सफा गरेको बताउनुभयो । मन्त्री आलेले सर्वहारा र श्रमजीवी वर्गको हक–हितको पक्षमा आफू सधैँ उभिने प्रतिबद्धता पनि व्यक्त गर्नुभयो ।