1 मिनेट 
काठमाडौ, २५ चैत्र ।
अखिल नेपाल फुटबल संघ (एन्फा) को निर्वाचनका लागि प्रतिनिधि छनोटको विषयमा उजुरी परेपछि तत्कालका लागि निर्वाचन प्रक्रिया स्थगित भएको छ। सी डिभिजन क्लबको मताधिकार सम्बन्धी लिखित उजुरी परेपछि निर्वाचन प्रक्रिया तत्कालका लागि स्थगित गरिएको हो। प्रतिनिधि छनोटको विषयमा विवाद भन्दा पनि बी र सी डिभिजन क्लबबाट प्रतिनिधि छनोट गर्ने क्रममा केही अस्पष्टता रहेको र छन्, क्लबबाट मताधिकारको अधिकार लिएर आएका प्रतिनिधि छनोट गर्ने क्रममा केही अस्पष्टता देखिएको निर्वाचन संयोजक श्रीराम दवाडीले बताउनुभयो ।
यो विषयमा निर्वाचन निर्देशिका विपरित नहुने गरी गर्न एन्फाको केन्द्रीय अध्यक्ष, वरिष्ठ उपाध्यक्ष, महासचिव रहेको सचिवालयले जानकारी दिनेछ। ’एन्फा निर्वाचन निर्देशिकाको १, २ अनुसार निर्वाचन कार्यक्रम प्रकाशन र मतदाता नामावली सार्वजनिक भइसकेको छ। तेस्रो नम्बरदेखिको प्रक्रिया केन्द्रीय समितिबाट खुलाई आउनसाथ काम अघि बढाउने संयोजक दवाडीले बताउनुभयो ।
एन्फा निर्वाचन सम्बन्धमा सी डिभिजन मताधिकारका लागि ओसिस क्लबका अध्यक्ष उत्तम बस्नेतले निर्वाचन प्रक्रियामा प्रतिनिधिहरुको विषयमा लिखित निवेदन उजुरी दिनुभएको थियो । सो सम्बन्धमा एन्फा सचिवालयबाट निर्वाचनको कागजात र प्रक्रियाको पूर्ण विवरण नआउँदासम्म निर्वाचनको सबै काम स्थगित भएको हो ।
