सूर्यविनायक नगरपालिकाको प्रमुख पदबाट थापाले दिए राजीनामा

काठमाडौं, ११ वैशाख ।
भक्तपुरको सूर्यविनायक नगरपालिकाको नगरप्रमुख पदबाट बासुदेव थापाले राजीनामा दिनुभएको छ । आज नगर उपप्रमुख जुना बस्नेतसमक्ष थापाले राजीनामा दिनुभएको हो । उहाँ पुन नगरप्रमुख उठ्ने तयारीमा हुनुहन्छ । २०७४ सालको स्थानीय तहको निर्वाचनमा थापा नेकपा एमाले बाट निर्वाचित हुनुभएको थियो । एमालेले हालसम्म भक्तपुरको कुनैपनि नगरपालिकामा वडा अध्यक्ष, उपप्रमुख र नगर प्रमुखको उम्मेदवार टुंगाउन सकेको छैन । भोलि १२ गते मात्रै सबै पालिकामा उम्मेदवारी दर्ता गर्ने कार्यक्रम तय भएको एमाले जानकारी दिएको छ ।