समृद्धिको अर्थ आर्थिक विकास मात्र होइनः राष्ट्रपति भण्डारी

काठमाडौँ,२४ भदौ ।
राष्ट्रपति विद्यादेवी भण्डारीले मुलुकको समृद्धि ज्ञान र सभ्यतासँग जोडिने बताउनुभएको छ ।
राजधानीमा आयोजित कार्यक्रममा राष्ट्रपति भण्डारीले समृद्धिको अर्थ केवल आर्थिक विकास मात्र नभइ ज्ञान र सभ्यताको समृद्धि पनि भएको बताउनुभएको हो ।
उहाँले आम नागरिकसम्म अध्ययनको पहुँच पुर्‍याउनुपर्नेमा जोड दिनुभयो ।
यसका लागि कारागार र सार्वजनिकस्थललगायत ठाउँमा प्रविधिमैत्री पुस्तकालय बनाउनुपर्ने उहाँको भनाइ छ।

यस्तै, उहाँले कागजमा छापिएका अक्षरबाट मात्र अध्ययन नहुने र जीवनका विभिन्न आयामबाट अध्ययन गर्न सकिने बताउनुभयो ।