1 मिनेट 
काठमाडौँ,०५ असोज ।
आईसीसी विश्वकप लिग टू अन्तर्गतको खेलमा नामिबियाले घरेलु टोली पपुवा न्युगिनी (पीएनजजी)लाई ६१ रनले हराएको छ । पपुवा न्युगिनीको अमिनी पार्कमा बुधबार भएको नामिबियाले दिएको २१५ रनको लक्ष्य पछ्याएको पीएनजीले ४३ ओभर १ बलमा अलआउट हुदै मात्र १५३ रन मात्र बनायो ।
आईसीसी एकदिवसीय विश्वकप २०२३ को छनोटका रुपमा रहेको लिग टूको खेलमा नामिबीयाले जित निकाल्दा नेपाललाई घाटा भएको छ । जितसँगै नामिबियाको २२ खेलमा २६ अंक भएको छ । सात टोली सहभागी यस लिग टूको अंक तालिकामा नामिबिया पाचौं स्थानमा रहेको छ ।
पीएनजीको २४ खेलबाट ५ अंक जोडेर तालिकाको पुछारमा छ । यता नेपाल २० खेलमा ८ मा जितका साथ १७ अंक जोडेर तालिकाको छैटौं स्थानमा छ । पीएनजीका लागि सियाकाले ३८ तथा हिरी हिरीले २९ रन बनाए । त्यस्तै चाल्स अमिनीले २२ रनको योगदान गरे ।
नामिबियाका लागि कप्तान गेहार्ड इरास्मसले तीन विकेट लिए । त्यस्तै टाङ्गीनी लङ्गामिनी, रुबेन ट्रपिलम्यान र जान फ्रायलिंकले दुई–दुई विकेट लिए ।यसअघि पहिले ब्याटिङ गरेको नामिबियाले निर्धारित ५० ओभरमा ८ विकेट गुमाएर २१४ रन बनाएको थियो । नामिबियाका लागि कप्तान गेहार्ड इरास्मसले ४९ रन बनाए । त्यस्तै जान निकोलले ३५ रन बनाउँदा लोहानड्री लौरेन्सले ३४ रनको योगदान गरे ।
पीएनजीका लागि चाड सोपार र काबुआ मोरियाले समान दुईरदुई विकेट लिए ।
