विश्वकप फुटबलःडेनमार्कलाई युरोकपको प्रदर्शन दोर्होयाउने चुनौती

काठमाडौं,६ मंसिर ।
विश्वकप फुटबल प्रतियोगितामा युरोपियन पावरहाउस डेनमार्कले अफ्रिकन जाइन्ट ट्युनिसियासँग मंगलबार साँझ ६ः४५ मा प्रतिस्पर्धा गर्दैछ।
दोहाको एजुकेसन सिटी स्टेडियममा हुने प्रतिस्पर्धामा डेनमार्कले ट्युनिसियाविरुद्ध जितको लागि मैदानमा उत्रने छ। समूह ‘डी’अन्तर्गत हुने खेलमा युरोपियन राष्ट्र डेनमार्क अफ्रिकी टोलीलाई हराएर युरोकपमा देखाएको दबदबालाई विश्वकपमा पनि कायम राख्ने प्रयासमा हुनेछ।
तर, बलियो अफ्रिकी राष्ट्रविरुद्ध डेनमार्कलाई सहज भने हुने छैन। किनकि ट्युनिसिया कतार विश्वकपमा फरक वातावरणको फाइदा उठाउँदै डेनमार्कमाथि दवाव दिन मैदानमा उत्रने छ।
डेनमार्क र ट्युनिसिया एक अर्काविरुद्ध नभिडेकाले यी दुवै टिमका लागि कतारी भूमि र समकक्षीसमेत अपरिचित हुँदा खेल रोचक हुने आँकलन गरिएको छ। एजेन्सी ।