भक्तपुरमा समानुपातिकतर्फ नेमकिपा पहिलोः एमाले दोसो

भक्तपुर, ११ मंसिर । गत मंसिर ४ गते सम्पन्न प्रतिनिधिसभा निर्वाचनमा समानुपातिकतर्फ भक्तपुरमा नेपाल मजदुर किसान पार्टी (नेमकिपा) पहिलो दल बनेको छ ।
प्राप्त मतका आधार नयाँ दल राष्ट्रिय स्वतन्त्र पार्टी (रास्वपा) चौंथो ठूलो दल बनेको छ ।नेकपा एमाले दोस्रो ठूलो दल बन्दा नेपाली कांग्रेस भने तेस्रो ठूलो दल बनेका छन् ।
प्रतिनिधि सभाका २ वटा निर्वाचन क्षेत्र रहेको भक्तपुरमा नेमकिपाले १ नम्बर क्षेत्रबाट ३२ हजार ९०४ र २ नम्बर क्षेत्रबाट ७ हजार ८६३ मत प्राप्त गर्दै कूल ४० हजार ७६७ मतका साथ पहिलो दल बनेको हो ।
नेमकिपाले १ नम्बर क्षेत्रको प्रतिनिधिसभा सदस्य र प्रदेशसभा १(२) को सदस्यमा विजय हासिल गरेको थियो ।
प्रदेशसभामा एक सदस्य जितेको नेकपा एमालेले समानुपातिकतर्फ २६ हजार ७० मत प्राप्त गरेको छ । एमालेले १ नम्बर क्षेत्रबाट ८ हजार १९४ र २ नम्बर क्षेत्रबाट १७ हजार ८७६ मत प्राप्त गरेको जिल्ला निर्वाचन कार्यालयका सूचना अधिकारी भिमबहादुर बिसीले बताउनुभयो ।
नेपाली कांग्रेसले २३ हजार ७६९ र रास्वपाले २३ हजार ६ मत ल्याई क्रमशः तेस्रो र चौथो दल बनेका छन् । कांग्रेसले १ नम्बर क्षेत्रबाट ८ हजार ८७५ र २ नम्बर क्षेत्रबाट १४ हजार ८९४ मत प्राप्त गरेको बिसीले जानकारी दिनुभयो । रास्वपाले १ नम्बर क्षेत्रबाट ११ हजार ११० र २ नम्बर क्षेत्रबाट ११ हजार ८९६ मत प्राप्त गरेको छ ।
राप्रपाले ११ हजार ३९२ मत प्राप्त गरेको छ । राप्रपाले १ नम्बर क्षेत्रबाट ५ हजार ९०३ र २ नम्बर क्षेत्रबाट ५ हजार ४८९ मत प्राप्त गरेको छ । नेकपा माओवादी केन्द्रले १ नम्बर क्षेत्रबाट १ हजार ३६७ र २ नम्बर क्षेत्रबाट ५ हजार ४८९ सहित कूल ४ हजार ९८ मत प्राप्त गरेको छ भने नेकपा एकीकृत समाजवादीले २ हजार १५२ मत प्राप्त गरेको छ ।