0 मिनेट 
साउन २६, काठमाण्डौ ।
जापानलाई हराउँदै स्विडेन फिफा महिला विश्वकप फुटबलको सेमिफाइनलमा पुगेको छ ।
आज शुक्रवार न्युजिल्यान्डको इडेन पार्कमा भएको क्वाटरफाइनल खेलमा सन् २०११ को च्याम्पियन जापानलाई २–१ गोलले हराउँदै स्विडेन सेमिफाइनलमा पुगेको हो । स्विडेनका लागि अमन्दा इलेस्टेड र फिलिपा एन्जेलडलले गोल गरिन् । जापानका लागि होनोका हयाशीले १ गोल फर्काइन् । जापानले खेलको ७५ औँ मिनेटमा पेनाल्टी पाए पनि गोल गर्न सकेन ।
यस्तै आज बिहान भएको पहिलो क्वाटरफाइनलमा नेदरल्यान्ड्सलाई अतिरिक्त समयमा २–१ गोलले हराउँदै स्पेन पहिलो पटक सेमिफाइनलमा पुगेको छ ।
