0 मिनेट 
चितवन,चैत १७ ।
त्रिशुली नदीमा ट्याक्सी खस्दा पाँच जनाको मृत्यु भएको छ ।
काठमाडौंबाट गोरखा जाँदै आज बिहान इच्छाकामना गाउँपालिका ५ मा पर्ने पृथ्वी राजमार्गको मिलधारा नजिकबाट बा २ ज ४१९६ नम्बरको ट्याक्सी त्रिशुली नदीमा खस्दा ट्याक्सीमा सवार पाँचै जनाको मृत्यु भएको चितवन प्रहरीले जनाएको छ ।
जिल्ला प्रहरी कार्यालय चितवनका अनुसार ट्याक्सीमा रहेका मानिसको पहिचान भने खुलेको छैन । यद्यपि एक बालिका, दुई पुरुष र २ जना महिलाको मृत्यु भएको जनाइएको छ ।
पाँचै जनाको घटनास्थलमा नै मृत्यु भएको इलाका प्रहरी कार्यालय मुग्लिनले जनाएको छ । सडकबाट करिब ८० मिटर तल त्रिशुली नदीमा ट्याक्सी खसेको थियो ।
