श्रावण २२ । आन्तरिक राजस्व कार्यालय भक्तपुरले आर्थिक वर्ष ०७५÷७६ मा करिब साढे तीन अर्ब रुपैयाँ राजस्व संकलन गरेको छ । कार्यालयले एक वर्षको अवधिमा तीन अर्ब ४० करोड १६ लाख ३० हजार रुपैयाँ संकलन गरेको प्रमुख कर अधिकृत सूर्य पोखरेलले जानकारी दिनुभयो । कार्यालयले ११ करोड २७ लाख दुई हजार रुपैयाँ राजस्व लक्ष्यभन्दा बढी संकलन गरेको हो । जुन लक्ष्यभन्दा ३.४२ प्रतिशतले बढी हो । आ.व. ०७५÷७६ मा कार्यालयले सबैभन्दा बढी एक अर्ब ६५ करोड ५४ लाख ९७ हजार रुपैयाँ आय कर संकलन गरेको छ ।
ब्याज कर २० करोड १३ लाख २३ हजार रुपैयाँ, मूल्यअभिवृद्धि कर एक अर्ब दुई करोड ५० लाख ८८ हजार रुपैयाँ, घरबहाल कर चार करोड ७२ लाख २२ हजार रुपैयाँ, स्वास्थ्य सेवा कर एक करोड २० लाख ३९ हजार र शिक्षा कर ६७ लाख १४ हजार रुपैयाँ संकलन भएको प्रमुख कर अधिकृत पोखरेलले जानकारी दिनुभयो ।