श्रावण २२ । नेपाल आयल निगमले पेट्रोलियम पदार्थको मूल्य समायोजन गरेको छ । मंगलबार रातिदेखि लागू हुने गरी पेट्रोलमा १ रुपैयाँ, डिजेल र मट्टितेलमा ५० पैसा प्रतिलिटर मूल्य बढाएको छ । यस्तै, खाना पकाउने एलपी ग्यासमा २५ रुपैयाँ प्रतिसिलिण्डर मूल्य घटाइएको छ ।
भारतीय आयल कर्पोरेसनले १६ साउनमा पठाएको नयाँ मूल्य सूचीमा ग्यासको मूल्य घटेर आएकाले नेपाली बजारमा पनि मूल्य घटाएर उपभोक्तालाई राहत दिएको प्रवक्ता विरेन्द्र गोइतले जानकारी दिनुभयो । मूल्य घटेपछि आजदेखि ग्यासको प्रतिसिलिण्डर १ हजार ३ सय ७५ रुपैयाँमा उपलब्ध हुनेछ । मूल्य समायोजनपछि काठमाडौं उपत्यकामा पेट्रोल १ सय ९ र डिजेल ९७ रुपैयाँमा बिक्री हुनेछ ।