दिपक थापाले बुझाए ज्ञापन पत्र, मन्त्री श्रेष्ठले भने : बजेट अभावकै कारण राष्ट्रपति रनिङ शिल्ड प्रतियोगिता रोकिदैन

निवर्तमान् अध्यक्ष थापाले भन्नुभयो, “हामी मात्रै होइनौ, यतिखेर सम्पूर्ण खेलप्रेमीहरु चिन्तामा हुनुहुन्छ । राष्ट्रपति रनिङ शिल्ड प्रतियोगिताको बजेट काटिएपछि पालिकास्तरबाट खेलतर्फ अगाडि बढेका खेलाडीको उन्नयन नै रोकिने भयो, देशका गहनाका रुपमा रहेका खेलाडी उत्पादन रोकिए पनि राज्यलाईनै नोक्सान हो, त्यसैले राज्यले पालिकालाई बजेट पठाएर वा बैकल्पिक ब्यबस्था गरेर भएपनि प्रतियोगिता रोकिनु हुदैन भन्ने हाम्रो माग हो ।”

मन्त्री श्रेष्ठले भन्नुभयो, “राष्ट्रपति रनिङ शिल्ड प्रतियोगिता रोक्नु हुदैन, बजेट अभावमा रोकिनु पनि हुदैन । यो प्रतियोगिता प्रत्येक पालिकाले हरेक वर्ष आफ्नै बजेटमा गर्नु पर्ने गरि कानून संशोधनको पहल गरिरहेको छु, यो प्रतियोगिता रोकिदैन ।”