0 मिनेट 
काठमाडौँ, २४ साउन।
नेपाल सरकारले बंगलादेशमा शान्त र संयमताका लागि आह्वान गरेको छ । बुधबार परराष्ट्र मन्त्रालयले विज्ञप्ति जारी गर्दै नेपालले बंगलादेशमा शान्ति र स्थिरता सुनिश्चित चाहेको बताएको हो ।
‘हामी सबैलाई शान्त र संयमित हुन आह्वान गर्दछौँ र लोकतान्त्रिक प्रक्रियामा व्यवस्थित पुनरागमनको महत्वमा जोड दिन्छौँ । हामीलाई विश्वास छ कि बङ्गलादेशका सबल र लचिलो जनताले शान्ति र स्थिरतातर्फ सहज संक्रमण सुनिश्चित गर्न सक्षम हुनेछन्
विज्ञप्तिमा भनिएको छ ।
यस्तै मन्त्रालयले बंगलादेशको पछिल्लो राजनीतिक घटनाक्रमलाई नजिकबाट नियालिरहेको उल्लेख गरेको छ ।
बंगलादेशमा उग्र विरोध प्रदर्शनका बिचमा प्रधानमन्त्रीको पदबाट राजीनामा दिएर शेख हसिना भारत पुगेकी छिन् ।
