संसदीय सुनुवाइ समितिको बैठक बस्दै,मन्त्री राणासँग छलफल गर्दै

काठमाडौं,२४ भदौ।

संसदीय सुनुवाइ समितिको बैठक आज बस्दै छ।

बिहान ११ बजे बस्ने बैठकमा समितिले परराष्ट्रमन्त्री आरजु राणा देउवालाई बोलाएको छ। राजदूत सिफारिस समावेशी नभएको भन्दै समितिले प्रस्तावित राजदूतको सुनुवाइ रोकेर मन्त्री राणालाई बोलाएको हो।

आजको बैठकमा मन्त्री राणासँग छलफल गर्ने कार्यक्रम रहेको समिति सभापति ईश्वरीदेवि न्यौपानेले जानकारी दिइन्। सरकारले सिफारिस गरेका १७ जना राजदूत मध्ये १३ जनाको सुनुवाइ सकेको छ।

अब चार प्रस्तावित राजदूतको सुनुवाइ हुन बाँकी रहेको छ। आजदेखि तीन दिन संसद बैठक रहेकोले बाँकी चार प्रस्तावित राजदूतलाई आगामी २७ गते सुनुवाइका लागि बोलाउने निर्णय भएको सभापति न्यौपानेले जानकारी दिइन्।