1 मिनेट 
काठमाण्डौ,२६ मंसिर ।
सुनको मूल्य दुई दिनमा तोलामा ४१ सय रुपैयाँले बढेको छ।
मंगलबार २१०० रुपैयाँले बढेको सुन बुधबार २ हजार रुपैयाँले बढेको हो। नेपाल सुनचाँदी व्यवसायी महासंघका अनुसार बुधबार छापावाला सुनको भाउ प्रतितोला एक लाख ५४ हजार २०० रुपैयाँमा कारोबार भइरहेको छ।
मंगलबार छापावाला सुनको भाउ प्रतितोला एक लाख ५२ हजार २०० रुपैयाँमा कारोबार भएको थियो।
यस्तै, मंगलबार प्रतितोला १ हजार ९२५ रुपैयाँमा कारोबार भएको चाँदी आज पनि सोही भाउमा कारोबार भइरहेको छ।नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ। बुधबार अन्तर्राष्ट्रिय बजारमा सुन प्रतिऔंस २ हजार ६८५दशमलव ३९ अमेरिकी डलर र चाँदी प्रतिऔंस ३१ दशलमव ६४ डलरमा कारोबार भइरहेको छ।
