1 मिनेट 
काठमाडौँ,४ पुष ।
लोकतान्त्रिक समाजवादी पार्टी नेपालले केन्द्रीय समितिमा थप ६ जनालाई मनोनीत गरेको छ । ३४७ सदस्यीय केन्द्रीय समितिमा हिजो विभिन्न जिल्लाका आठ जनालाई मनोनीत गरेर केन्द्रीय समिति ३५५ सदस्यीय बनाइएको थियो । सो पार्टीले बिहीबार ६ जना थप गरेर ३६१ सदस्यीय केन्द्रीय समिति बनाएको छ । संविधानमा ४०१ सदस्यीय केन्द्रीय समितिको व्यवस्था छ ।
बिहीबार मनोनीत हुनेहरूमा महोत्तरीका सेवल महरा, ललितपुरका जमुना केसी झा, काठमाडौँका गीता श्रेष्ठ, सर्लाहीका ललिन्द्रकुमार राय र रामहरि तिवारी तथा बाराका फिरोज रहेका छन् ।
त्यसैगरी लोसपा नेपालले विभिन्न भातृ सङ्गठनका लागि संयोजक चयन गरेको छ । लोकतान्त्रिक युवा सङ्घको संयोजकमा सर्लाहीका भिनुकलाल राय, लोकतान्त्रिक महिला सङ्घको संयोजकमा पर्साका मिनु ठाकुर, लोकतान्त्रिक महिला संघ मधेश प्रदेशको संयोजकमा महोत्तरीका गितादेवी दास र लोकतान्त्रिक ट्रेड युनियन सङ्घको संयोजकमा धादिङका केशवराज अधिकारीलाई चयन गरेको छ ।
लोसपा नेपाल महाधिवेशनको तयारीमा जुटेको छ । वैशाख २६ गते हुने भनिएको पार्टीका पहिलो महाधिवेशनका लागि नेता तथा कार्यकर्तामा त्यसमा जुटेका छन् । सङ्गठन विस्तारका साथै सदस्यता वितरणको अभियानलाई तीव्रता दिएको छ ।
