1 मिनेट 
संघीय संसद् अन्तर्गतका तीन समितिको बैठक शुक्रबार बस्दैछ।
राज्यव्यवस्था तथा सुशासन समितिको बैठकमा संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक, २०८० माथि दफावार छलफल हुनेछ । बैठक दिउँसो १ बजे सिंहदरबारस्थित समितिको कार्यालयमा शुरु हुने संसद् सचिवालयले जनाएको छ।
उद्योग तथा वाणिज्य र श्रम तथा उपभोक्ता हित समितिको बैठकमा माउन्ट एभरेष्ट ब्रुअरी प्रालिमा कार्यरत श्रमिकहरूको पारिश्रमिक सम्बन्धमा अर्थ मन्त्रालय, नेपाल राष्ट्र बैंक र उद्योग मन्त्रालयका प्रतिनिधिसँग छलफल हुने कार्यसूची रहेको छ। बैठक बिहान साढे ११ बजे शुुरु हुनेछ।
बिहान ११ बजे सुरु विकास, आर्थिक मामिला तथा सुशासन समितिको बैठकमा भौतिक पूर्वाधार तथा यातायात मन्त्रालय एवं मातहतका निकाय र आयोजनाको पुँजीगत बजेटको कार्यप्रगति (अर्धवार्षिक) को बारेमा छलफल हुने सचिवालयले जनाएको छ।
