1 मिनेट 
काठमाडौं,७ चैत।
चालु आर्थिक वर्षको आठ महिनामा ११ खर्ब ४५ अर्ब रुपैयाँ बराबरको वस्तु आयात भएको छ । भन्सार विभागको पछिल्लो तथ्यांकअनुसार ११ खर्ब ४५ अर्ब ५६ करोड ६२ लाख रुपैयाँ बराबरको वस्तु आयात भएको हो ।
विभागका अनुसार यो गत आर्थिक वर्षको तुलनामा ११.२० प्रतिशत बढी हो । गत आर्थिक वर्षको आठ महिनामा १० खर्ब ३० अर्ब रुपैयाँ बराबरको वस्तु आयात भएको थियो ।
अघिल्लो आठ महिनाको तुलनामा निर्यात समेत बढेको छ । फागुनसम्मको तथ्यांकअनुसार एक खर्ब ५८ अर्ब १७ करोड २४ लाख रुपैयाँ बराबरको वस्तु निर्यात भएको छ । यो गत आर्थिक वर्षको तुलनामा ५७.२० प्रतिशत बढेको छ ।
आयात बढ्दा र निर्यात घट्दा व्यापार घाटा समेत बढेको छ । विभागका अनुसार आठ महिनाको अवधिमा नौ खर्ब ८७ अर्ब ३९ करोड ३८ लाख रुपैयाँ व्यापार घाटामा छ ।
यो गत आर्थिक वर्षको तुलनामा ६.२२ प्रतिशत बढी हो । अघिल्लो आर्थिक वर्षको आठ महिनामा नौ खर्ब २९ अर्ब ६० करोड ५२ लाख रुपैयाँ व्यापार घाटा थियो ।
