रास्वपाको सचिवालय र संसदीय दलको बैठक आज बस्ने

काठमाडौं,१९ जेठ ।

राष्ट्रिय स्वतन्त्र पार्टीले सचिवालय र संसदीय दलको बैठक बोलाएको छ। सोमबार दिउँसो १ बजे पार्टी केन्द्रीय कार्यालयमा बस्ने गरी सचिवालय बैठक बोलाएको कार्यवाहक महामन्त्री कवीन्द्र बुर्लाकोटीले जानकारी दिए।

यो बैठक भिजिट भिसा प्रकरण र गृहमन्त्री रमेश लेखकको राजीनामाबारे केन्द्रित रहेनछ। यसबाहेक समसामयिक राजनीतिको समीक्षा र पार्टीको महाधिवेशन केन्द्रित गतिविधि, पालिका र वडा तहका कमिटीहरूको अधिवेशनबारे पनि छलफल हुनेछ। जेठ २३ गतेबाट आरम्भ गर्ने भनिएको जनयात्राबारे पनि बैठकमा छलफल गर्ने कार्यसूची छ ।

सचिवालयको बैठक सकिएलगत्तै अपराह्न ३ बसे संसदीय दलको बैठक बोलाइएको छ। संघीय संसदमा गृहमन्त्रीको राजीनामा माग्दै अवरोध कायम छ। यसलाई थप सशक्त बनाउनेबारे दलको बैठकमा छलफल हुनेछ।