1 मिनेट 
काठमाडौँ,२० जेठ।
प्रतिनिधिसभा बैठक भाेलि दिउँसाे १ बजेसम्मका लागि स्थगित भएकाे छ । दलहरूबीच सहमति जुट्न नसक्दा प्रतिनिधिसभाकाे आजकाे बैठक बस्दै नबसी स्थगित भएकाे हाे ।
यसअघि आज बिहान ११ बजेका लागि बाेलाइएकाे बैठक सूचना टाँस गरेर दिउँसाे २ बजेसम्मका लागि स्थगित भएकाे थियाे । भिजिट भिसा प्रकरणमा गृहमन्त्री रमेश लेखककाे राजीनामा माग्दै प्रतिपक्षी दलहरू नेकपा (माओवादी केन्द्र), राष्ट्रिय प्रजातन्त्र पार्टी (रास्वपा), नेकपा (एकीकृत समाजवादी) लगायतले संसद्मा अवराेध गर्दै आएका छन् ।
यद्यपि सत्तारूढ नेपाली कांग्रेस र नेकपा एमालेले भने गृहमन्त्रीले सदनमा यस विषयमा कुरा राख्न पाउनुपर्ने बताउँदै आएका छन् ।
यसअघि आजै प्रमुख प्रतिपक्षी दल माओवादीका अध्यक्ष पुष्पकमल दाहाल प्रचण्डको अध्यक्षतामा बसेको प्रतिपक्षी दलहरूको बैठकले श्रम ऐन २०६४ आएदेखि अहिलेका गृहमन्त्रीको कार्यकालसम्मको ‘भिजिट भिसा प्रकरण’ मा सम्बन्धित रहेर छानबिन समिति वा आयोग गठन गर्न माग गरेकाे थियाे ।
