विर्तामोड नगरपालिकाको वडा कार्यालयमा बम विस्फोट

झापा, श्रावण २७ । आज बिहान झापा जिल्लाको विर्तामोड नगरपालिकाको वडा कार्यालयमा बम विस्फोट भएको छ। नगरपालिकाको गरामनीमा रहेको ७,८ र ९ नम्बर वडाको संयूक्त वडा कार्यालयमा बम विस्फोट भएको हो । प्रहरीका अनुसार विस्फोट बिहान साढे चार बजेको आसपासमा भएको हो। विस्फोटबाट कार्यलायका झ्यालका सिसा फुटेको प्रहरी नायब उपरिक्षक महेन्द्र कुमार श्रेष्ठले बताउनुभयो ।
उहाँले घटना कसले गरायो भन्ने अनुसन्धान भइरहेको बताउनु भयो । श्रेष्ठले विस्फोटमा नेत्र विक्रम चन्द नेतृत्वको नेपाल कम्युनिस्ट पार्टी(नेकपा)को हात हुनसक्ने आशंका रहेको बताउनु भयो ।