1 मिनेट 
काठमाडौं, ३ भाद्र । लामो समयदेखि अड्किएको संक्रमणकालीन न्यायसम्बन्धी बाँकी विषयको टुंगो लगाउन प्रधानमनत्री केपी शर्मा ओली ले सर्वदलीय बैठक बोलाउनुभएको छ । आइतबार संसदमा सम्बोधन गर्दै उहाँले संक्रमणकालीन न्यायसम्बन्धी दुईवटा आयोगहरूको टुंगो एक सातामा लगाइसक्ने बताउनुभएको थियो । सोही अनुरुप प्रधानमन्त्रीले मंगलबार अपरान्ह ५ बजेका लागि बैठक बोलाउनुभएको हो ।
प्रधानमन्त्रीले बुधबारका ५ बजेका लागि नेपाल कम्युनष्टि पार्टी (नेकपा) र नेपाली कांग्रेसको बैठक बोलाएका छन् । यी दुवै बैठक प्रधानमन्त्रीको सरकारी निवास वालुवाटारमा बस्ने बताईउको छ । सत्य निरुपण तथा मेलमिलाप र बेपत्ता छानबिनसम्बन्धी आयोगमा पदाधिकारी नियुक्त नगरिँदा अन्तराष्ट्रिय समुदायले नेपालमाथि दबाब बढाइरहेको सन्दर्भमा सर्वदलीय बैठक बोलाइएको हो । यी दईवटा आयोगका लागि नेकपा र कांग्रेसबीच लामो समयदेखि छलफल भइरहेको छ । दुईमध्ये सत्यनिरूपणका प्रमुख नेकपा र बेपत्ता खोजबिनमा कांग्रेसनिकट नियुक्त गर्नेबारे दई दलका नेताबीच छलफल भइरहेको छ । सत्यनिरूपणको प्रमुखमा गोविन्द बन्दी र बेपत्तामा सूर्य ढुंगेलको नाम चर्चामा छ । तर २ दलले नामको टुंगो गरिसकेका छैनन् ।
