सुर्खेतमा बस दुर्घटना : ३ जनाको मृत्यु, २७ जना घाइते

११ भाद्र २०७६,सुर्खेत ।
सुर्खेतमा बस दुर्घटना हुँदा तीन जनाको ज्यान गएको छ भने २७ जना घाइते भएका छन् । जाजरकोटबाट नेपालगन्जका लागि छुटेको ना ४ ख ९३ २७ नम्बरको बस बुधबार बिहान भेरीगंगा नगरपालिका–५ हर्रे पुलिसचौकीको एमाले मोडमा दुर्घटना भएको हो ।
घाइतेको भेरीगंगा क्लिनिक, सुर्खेत र बाँकेको कोहलपुरमा उपचार भइरहेको छ भने ज्यान गुमाउनेको परिचय खुल्न नसकेको जिल्ला प्रहरी कार्यालय सुर्खेतका डीएसपी रवि रावलले जानकारी दिनुभयो । ब्रेक फेल भएर दुर्घटना भएको अनुमान गरिए पनि कारण भने खुल्न सकेको छैन ।