आज संविधान दिवस, देशभरी भब्यताका साथ मनाईदै

३ असोज २०७६, काठमाडौं ।
आज असोज ३ अर्थात् संविधान दिवस, २०७२ असोज ३ गते अर्थात आजकै दिन संविधान जारी भएको अवसरमा देशभर बिभिन्न कार्यक्रम गरि भब्यताका साथ मनाईदै छ ।
संविधान दिवसको अवसरमा संविधान दिवपस मूल समाहरोह समितिले सैनिक मञ्च टुँडिखेलमा बिषेश कार्यक्रमको आयोजनजा गरेको छ । दिवसका अवसरमा सैनिक मञ्चमा राष्ट्रपति विद्या भण्डारी, उपराष्ट्रपति नन्दबहादुर पुन, प्रधानमन्त्ती केपी ओलीलगायत विशिष्ट व्यक्तिहरु उपस्थित हुने कार्यक्रम रहेको छ ।
त्यसैगरी विदेशस्थित नेपाली दूतावास, नियोग तथा वाणिज्य दूतावासमा संविधान दिवस एवं राष्ट्रिय दिवसका अवसरमा विभिन्न कार्यक्रम गरिने र असोज २, ३ र ४ गते दीपावली गर्न र घर घरमा राष्ट्रिय झण्डा राख्न सरकारले सबै नागरिकलाई आग्रह गरेको छ ।
सेहि सरकारको आग्रक पश्चात् काठमाडौंका अधिकाँस घर तथा सरकारी र गैर–सरकारी संस्थाहरुमा नेपालको झण्डा राखिएका छन् ।
संविधान जारी नगर्न छिमेकी भारतले दिएको दबाब, मधेस केन्द्रित दलको असन्तुष्टि र ठूला दलबिचको बेमेलका कारण संविधान निर्माण भएपछि निकै चुनौती भोग्नु परेको थियो ।