1 मिनेट 
राष्ट्रिय परीक्षा बोर्डले कक्षा ११ को परीक्षाफल सार्वजनिक गरेको छ । मंगलबार राष्ट्रिय परीक्षा बोर्डले नतिजा सार्वजनिक गरेकाे हाे । गत वैशाख २९ देखि जेठ ८ गतेसम्म लिएको परीक्षामा पुराना र नियमित गरी ५ लाख ९ हजार ५२ परीक्षार्थी सहभागी थिए । त्यसमध्ये नियमिततर्फ ३ लाख ४९ हजार ६ सय ३ जना सहभागी थिए ।
परीक्षा बाेर्डका अनुसार ३ दशमलब ६१ देखि ४ जीपीए हासिल गर्ने २ हजार ३ सय १९, ३.२१ देखि ३.६० जीपीएप्राप्त गर्ने १३ हजार ७७२, २.८१ देखि ३.२० जीपीए ल्याउने ३२ हजार २ सय ५३ जना, २.४१ देखि २.८० जीपीए पाउने ५४ हजार ८ सय १६ जना रहेका छन् ।
त्यस्तै ८४ हजार २ सय ३९ जनाले २.०१ देखि २.४० जीपीए, ८९ हजार ६ सय ५० जनाले १.६१ देखि २ जीपीए, ४३ हजार ३७ जनाले १.२१ देखि १.६० जीपीए, ८ हजार १७१ जनाको ०.८१ देखि १.२० जीपीए र २१ हृजार ३ सय ४६ जनाको ०.८० जीपीए ल्याएका छन् । नियमितर्फ १८ जना परीक्षार्थी एक्सपेल्ड भएका छन् ।
