1 मिनेट 
सोम शर्मा (बजगाईं)
२१ असोज २०७६ , भक्तपुर । भक्तपुरको सुर्यविनायक नगरपालिका गुण्डुमा पाथिभरा माताको मन्दिर स्थापना गरिएको छ । गुण्डुको पाँच रोपनी क्षेत्रफलमा प्रसिद्ध पाथिभरा बैष्णोदेवी माताको साढे तीन सय केजीको अष्ट धातुबाट निर्माण गरिएको मन्दिरको आज प्राण प्रतिष्ठा गरिएको हो । पाँच महिना लगाएर ११ लाख रुपैयाँमा निर्माण गरिएको पाथिभराको मन्दिरको निर्माणसँगै भक्तपुरमा आन्तरिक तथा बाह्य पर्यटकको आवागमनमा वृद्धि हुने आयोजकले जनाएका छन् ।
मन्दिर निर्माणका लागि श्रीमद्देवी भागवत ज्ञान महायज्ञको समेत आयोजना गरिएको छ । आचार्य पण्डितहरुद्धारा आज पाथिभरा बैष्णोदेवी मन्दिरको प्राण प्रतिष्णा गर्नुका साथै प्रतिनिधिसभा सांसद महेश बस्नेतले मन्दिरको उद्घाटन समेत गर्नुभयो ।
