भारतमा २४ घण्टामा ६१ लाख ९० हजार ९३० जनाले कोभिड १९ विरुद्ध खोप लगाए

काठमाडौं, ०९ भदौ ।
भारतमा थप ३७ हजार ५ सय ९३ जनामा कोभिड १९ संक्रमण देखिएको जनाइएको छ । यस्तै, ३४ हजार १ सय ६९ जना संक्रमण मुक्त भएका छन्। । हाल भारतभर सक्रिय कोरोना संक्रमितको संख्या ३ लाख २२ हजार ३ सय २७ पुगेको जनाइएको छ । यस्तै, संक्रमणका कारण थप ६ सय ४८ जनाको मृत्यु भएको जनाइएको छ । भारतमा संक्रमणका कारण ४ लाख ३५ हजार ७ सय ५८ जनाको मृत्यु भइसकेको जनाइएको छ ।
पछिल्लो २४ घण्टामा भारतभर ६१ लाख ९० हजार ९ सय ३० जनाले कोभिड १९ विरुद्ध खोप लगाएका छन्। भने हालसम्म भारतभर ५९ करोड ५५ लाख ४ हजार ५९३ जनाले खोप लगाइसकेको जनाइएको छ । एजेन्सि ।