आज काँग्रेसको संसदीय दलको बैठक बस्दै

काठमाडौं, २२ भदौ ।
नेपाली काँग्रेसले आज संसदीय दलको बैठक बोलाएको छ । नयाँ बानेश्वरस्थित संघीय संसद भवनको ल्होत्से हलमा बस्ने बैठकले संसदमा कसरी प्रस्तुत हुने भन्नेबारे पार्टीको रणनीति तयार गर्ने काँग्रेस संसदीय दलका सचेतक पुष्पा भुसालले जानकारी दिनुभयो ।
संघीय संसदको बैठक भोलिको लागि बोलाइएको छ । नेपाल सरकारको मन्त्रिपरिषद् बैठकले गरेको सिफारिस अनुसार राष्ट्रपति विद्यादेवी भण्डारीले सङ्घीय संसद्का दुवै सदनको बैठक भदौ २३ गते भोलि अपराह्न ४ बजे बस्ने गरी बोलाउनु भएको हो ।