घट्दै गयो कोरोना संक्रमितको संख्या , आज ९११ जनामा पुष्टि

काठमाडौं, २७ भदौ ।
आज देशभर ९११ जनामा कोरोनााभाइरस संक्रमण पुष्टि भएको छ । २४ घन्टामा ११ हजार १८ नमुना परीक्षण गर्दा ९११ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको हो ।
सात हजार आठ सय ७८ जनाको पीसीआर नमुना परीक्षण गर्दा ८ सय ३८ जनामा र ३ हजार १४० जनाको एन्टिजेन नमुना परीक्षण गर्दा ७३ जनामा कोरोना पोजेटिभ देखिएको हो । आजसम्म देशभर सक्रिय संक्रमितको संख्या २६ हजार सात सय ५७ जना छन् ।
त्यस्तै २४ घन्टामा कोरोनाभाइरस संक्रमणमुक्त हुनेको संख्या १ हजार ४२३ रहेको छ । कोरोना संक्रमणबाट पछिल्लो २४ घन्टामा १३ जनाले ज्यान गुमाएका छन् ।