वर्षाका कारण पहिरोले सडक अवरुद्ध

काठमाडाँै, ०६ असोज ।
गुल्मीको तमघास–रिडी सडकखण्ड पहिरोका कारण अवरुद्ध भएको छ । मंगलबार राती परेको अविरल वर्षाका कारण ठाउँ–ठाउँमा पहिरो खसेर सडक अवरुद्ध भएको जिल्ला प्रहरी कार्यालय गुल्मीका डीएसपी पुरुषोत्तम पाण्डेयले जानकारी दिनुभयो । उहाँका अनुसार उक्त सडक खण्डमा तीन ठाउँमा पहिरो खसेको छ । रेसुंगा नगरपालिकाको देउराली बजार नजिकै र भंगेरीमा पहिरो खसेको हो । सडक खुलाउन नेपाल प्रहरी र शशस्त्र प्रहरीको टोली खटिएको छ । उक्त सडक भएर चल्ने यातयातका साधन सडकमै रोकिएको जनाइएको छ ।
यसैगरी पहिरोले पृथ्वी राजमार्ग पनि अवरुद्ध भएको छ । चितवनको ईच्छाकामना ४ नाग्दी खोला नजिक हिजो राती पहिरो खस्दा राजमार्ग अवरुद्ध भएको हो । गएराती साढे ११ बजे पहिरो खसेको जिल्ला प्रहरी कार्यालय चितवनले जानकारी दिएको छ । बिहानैबाट पन्छाउन सुरु पनि पहिरो ठूलो भएको कारण समय लागेको जनाइएको छ ।