विधान महाधिवेशन चलिरहँदा एमाले स्थायी कमिटी सदस्यहरूको छुट्टै बैठक सुरु

काठमाडौँ, १७ असोज ।
नेपाल कम्युनिस्ट पार्टी एमालेको विधान महाधिवेशन चलिरहँदा पार्टीका स्थायी कमिटी सदस्यहरूको छुट्टै बैठक सुरु भएको छ । ललितपुरको गोदावरीस्थित सम्मेलन केन्द्रमा पार्टीको पहिलो विधान अधिवेशन चलिरहेको हो । अधिवेशनकै बीचमा सम्मेलन केन्द्रको अर्को हलमा पार्टी अध्यक्ष केपी शर्मा ओलीसहितका स्थायी कमिटी सदस्यहरू बैठकमा जुट्नुभएको हो । पार्टीको निर्वाचन आयोगको टुंगो लगाउन बैठक सुरु भएको बताइएको छ । महाधिवेशनअन्तर्गत आजको सत्रको अध्यक्षता अध्यक्षमण्डलका सदस्य सुवासचन्द्र नेम्वाङले गर्नुभएको छ। विधान संशोधनको प्रस्तावमा उठेका प्रश्नको जवाफ उपमहासचिव विष्णु पौडेलले दिइरहनुभएको छ ।