भवानी खापुङद्धारा राज्यमन्त्रीको प्रस्ताव अस्वीकार

काठमाडौँ, २२ असोज ।
नेकपा एकीकृत समाजवादी पार्टीका सांसद भवानीप्रसाद खापुङले फुल मन्त्री नपाए सरकारमा नजाने बताउनुभएको छ । एकीकृत समाजवादीले गठबन्धनको भागबण्डा मिलाउँदा चार मन्त्रालय मात्र पाउने भएपछि खापुङलाई राज्यमन्त्री बनाउने तयारी थियो । खापुङले राज्यमन्त्री बन्न गरेको प्रस्ताव अस्वीकारको गरेको एक नेताले बताउनुभएको छ । यद्यपि खापुङलाई मनाउने प्रयास जारी रहेको ती नेताको भनाइ छ । तर खापुङले भने आफूलाई राज्यमन्त्रीको प्रस्ताव पनि नआएको निकटस्थलाई बताउनुभएको छ । तेह्रथुमबाट प्रतिनिधि सभामा निर्वाचित भएका उहाँले काँग्रेसका केन्द्रीय सदस्य सीता गुरुङलाई पराजित गर्नुभएको थियो । यता एकीकृत समाजवादीले आफ्नो तर्फबाट सरकारमा सहभागी हुने चार जनाको नाम टुंगो लगाएको छ । एकीकृत समाजवादीले आफूले पाएका चार मन्त्रालय क्रमशः शहरी विकासमा विरोध खतिवडा, स्वास्थ्यमा रामकुमारी झाँक्री, पर्यटनमा प्रेम आले र श्रममा किसान श्रेष्ठलाई पठाउने निर्णय गरेको छ ।