1 मिनेट 
काभ्रे, २३ असोज । नेकपा (एकिकृत समाजवादी) का अध्यक्ष माधवकुमार नेपालले एमाले अध्यक्ष केपी शर्मा ओलीले आफ्ना गल्ती स्वीकार्दै माफी मागे नयाँ ढंगले सोच्न सकिने तर्क गर्नुभएको छ । काभ्रे जिल्ला पार्टी कार्यालय उद्घाटन र दसैं, तिहार, नेपाल सम्वत् र छठ पर्वको शुभकामना आदान(प्रदान गर्न आज बनेपामा आयोजित कार्यक्रममा उहाँले केपी ओली सुध्रिएलान् भन्ने आशा भने नगरेको बताउनुभयो ।
एमालेमा ओलीले दास र एसम्यानु मात्रै खोजी गरेको भन्दै आफू र समूहले साहस गरेर विद्रोह गरेको तर्क गर्नुभयो । पूर्वप्रधानमन्त्री रहनुभएका नेपालले पुराना भ्रष्टाचार मुद्दाको छानबिन गर्न सरकारको ध्यानाकर्षण गराउनुभयो । विगतका कमजोरीबाट यो सरकार मुक्त हुन सकोस् भन्ने अपेक्षा गर्दै उनले गलत, अनुचित कार्य गरेर सरकारबाट हटाउने चेतावनी आफ्ना दलतर्फका मन्त्रीहरुलाई दिएको बताउनुभयो ।
