1 मिनेट 
काठमाडौं, २२ कात्तिक ।
बागमती प्रदेशका मुख्यमन्त्री राजेन्द्र प्रसाद पाण्डेको विश्वासको मत सम्बन्धी प्रस्तावको प्रक्रियागत विषयमा छलफलका लागि प्रदेशसभाको कार्य व्यवस्था परामर्श समितिको बैठक बस्ने भएको छ । आज दिउँसो १ बजेका लागि कार्य व्यवस्था परामर्श समितीको बैठक आह्वान गरिएको छ ।
आज बस्ने प्रदेशसभाको बैठकमा मुख्यमन्त्री पाण्डेले विश्वासको मत लिने तयारी गरेका जनाइएको छ । सोही अनुसार मुख्यमन्त्री तथा मन्त्रिपरिषद् कार्यालय हेटौंडाले गत कात्तिक १४ गते मुख्यमन्त्री पाण्डेको विश्वासको मत सम्बन्धी प्रस्ताव प्रदेशसभा सचिवालयमा दर्ता गराई सकेको छ । उक्त प्रस्तावको प्रक्रियागत विषयमा छलफल गरी विश्वासको मत सम्बन्धी प्रसव टुङ्ग्याउन कार्य व्यवस्था परामर्श समितीको बैठक आह्वान गरिएको प्रदेशसभाका सचिव कृष्णहरि खड्काले बताउनु भयो ।
