कानुन निर्माण प्रक्रियामा जनसहभागिता आवश्यक हुने : सरोकारवाला

काठमाडौँ, मंसिर २४ ।
कानुन निर्माण प्रक्रियामा जन सहभागिता आवश्यक रहेको सरोकारवालाले बताउनुभएको छ । शुक्रबार राजधानीमा आयोजित एक कार्यक्रममा बोल्ने अधिकांश वक्ताले कानुन निर्माण प्रक्रियामा जनसहभागिताको औचित्यबारे प्रस्ट पार्नुभएको छ । उहाँहरूले जनसहभागिता सिधै कानुन निर्माणमा नपुग्ने भएकाले त्यसको भूमिका पत्रकारले निर्वाह गर्दै आएको बताउनुभएको छ । पत्रकारले सम्बन्धित वर्गको पहुँच र उनीहरुको आवाजलाई बढी प्राथमिकतामा राखिदिए कानुन निर्माणमा जनसहभागिता बढ्ने पत्रकार रन्जु काफ्लेले बताउनुभएको छ ।